ബെംഗളൂരു: പ്രണയാഭ്യർഥന നിരസിച്ചതിന്റെ പേരിൽ കോളജ് വിദ്യാർഥിനികള്ക്കു നേരെ ആസിഡ് ആക്രമണം നടത്തിയ മലയാളി യുവാവ് പിടിയില്.
മലപ്പുറം നിലമ്പൂർ സ്വദേശിയായ അഭിൻ (23) ആണ് പിടിയിലായത്.
പരീക്ഷാ ഹാളില് പ്രവേശിക്കാനൊരുങ്ങിയ മൂന്ന് പെണ്കുട്ടികള്ക്കു നേരെയാണ് ഇയാള് ആസിഡ് ആക്രമണം നടത്തിയത്.
ഗുരുതരാവസ്ഥയില് കഡാബ ഗവണ്മെന്റ് ആശുപത്രിയില് പ്രവേശിപ്പിച്ച മൂവരെയും വിദഗ്ധ ചികിത്സയ്ക്കായി മംഗലാപുരത്തെ സ്വകാര്യ ആശുപത്രിയിലേക്കു മാറ്റി.
ദക്ഷിണ കന്നഡ ജില്ലയിലെ കഡാബ ഗവണ്മെന്റ് കോളജിലാണ് മൂന്ന് വിദ്യാർഥിനികള് ആക്രമിക്കപ്പെട്ടത്.
അലീന, അർച്ചന, അമൃത എന്നീ വിദ്യാർഥിനികളാണ് ആക്രമിക്കപ്പെട്ടതെന്നാണ് പ്രാഥമിക വിവരം.
ആക്രമണത്തിന് ഇരയായ പെണ്കുട്ടികളും മലയാളികളാണെന്നു സൂചനയുണ്ട്.
കോളജിന്റെ ബാല്ക്കണിയില് ഇരുന്ന് പരീക്ഷയ്ക്ക് തയാറെടുക്കുകയായിരുന്നു ഈ വിദ്യാർഥിനികള്.
അതിനുശേഷം പരീക്ഷാ ഹാളിലേക്കു പ്രവേശിക്കുന്നതിനു തൊട്ടുമുൻപാണ് യുവാവ് ആസിഡ് ആക്രമണം നടത്തിയത്.
ഗുരുതരമായി പരുക്കേറ്റ മൂന്നു പേരെയും ആശുപത്രിയിലേക്കു മാറ്റി.
മാസ്കും തൊപ്പിയും ധരിച്ചെത്തിയാണ് അഭിൻ ആക്രമണം നടത്തിയത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
